حکومت نے ڈیزل 5 روپے 27 پیسے اور پٹرول 3 روپے 34 پیسے فی لٹر مہنگا کر دیا

پٹرولیم ڈویژن کی جانب سے پٹرولیم مصنوعات کی قیمتوں میں ایک بار پھر اضافے کا باقاعدہ نوٹیفکیشن جاری کر دیا گیا ہے۔ نئے نوٹیفکیشن کے مطابق، ڈیزل کی قیمت میں 5 روپے 27 پیسے فی لیٹر جبکہ پٹرول کی قیمت میں 3 روپے 34 پیسے فی لیٹر اضافہ کیا گیا ہے۔ اس اضافے کے بعد پٹرول کی نئی قیمت 334 روپے 54 پیسے فی لیٹر اور ڈیزل کی نئی قیمت 395 روپے 69 پیسے فی لیٹر مقرر کی گئی ہے۔

نوٹیفکیشن میں واضح کیا گیا ہے کہ ان نئی قیمتوں کا اطلاق 19 اگست تک ایک دن کے لیے ہوگا۔ پٹرولیم مصنوعات کے نرخوں میں مسلسل اضافے سے عوام پر اضافی مالی بوجھ پڑنے کے ساتھ ساتھ ملک بھر میں ٹرانسپورٹ کرایوں اور اشیائے ضروریہ کی قیمتوں میں مزید گرانی کا خدشہ ظاہر کیا جا رہا ہے۔