یکم مارچ سے پیٹرولیم مصنوعات 7روپے فی لیٹرتک مہنگی ہونے کا امکان

مہنگائی کے مارے عوام کے لیے بری خبر۔۔ماہ رمضان میں مہنگائی کا جھٹکا لگنے کا خدشہ۔ یکم مارچ سے پیٹرولیم مصنوعات کی قیمتوں میں 7روپے فی لیٹر تک اضافے کا امکان ہے۔ذرائع کے مطابق یکم مارچ سے آئندہ 15 روز کے لیے پیٹرول 4 روپے58 پیسےفی لیٹر مہنگا ہوسکتا ہے، اس کے علاوہ ڈیزل 4 روپے73 پیسےفی لیٹر تک مہنگا کرنے کی تجویزہے۔

ذرائع نے بتایا کہ مٹی کا تیل 7روپےفی لیٹر مہنگا ہونےکا امکان ہے اور لائٹ ڈیزل آئل 5 روپےفی لیٹر مہنگا کرنے کی تجویزہے۔جبکہ ہائی اسپیڈ ڈیزل کی قیمت میں 4روپے 73پیسے اضافے کا امکان ہے۔

نئی قیمتوں کےحوالےسے اوگرا ہفتے کو ورکنگ پیپر حکومت کو بھجوائے گی۔جس کے بعد  حکومت ریونیو اہداف کومد نظر رکھتے ہوئے فیصلہ کرے گی۔ ذرائع کاکہناہے کہ  ٹیکسز اور لیوی بڑھائی گئی تو قیمتیں مزید بڑھ سکتی ہیں۔۔جبکہ  ٹیکسز اور لیوی میں کمی کی گئی تو قیمتوں میں کم اضافہ ہوگایاانہیں برقرار رکھا جا سکتا ہے۔