پاکستانی عوام خطے میں سب سے زیادہ مہنگاپیٹرول خریدنے پر مجبور

خطےمیں پاکستانی عوام سب سے زیادہ مہنگاپیٹرول خریدنے پر مجبورہیں۔ پیٹرولیم مصنوعات کی قیمتیں بڑھنے سے پاکستان یں مہنگائی کے نئے طوفان کا خطرہ ہے۔

حکومت کی جانب سے پٹرولیم ذخائر موجود ہونے کے باوجود پٹرولیم مصنوعات کی قیمتوں میں اضافہ صرف پٹرول تک محدود نہیں رہا بلکہ پٹرول مہنگا ہونے سے اشیائے ضروریہ کے نرخوں میں بھی خودبخود اضافہ کردیاگیاہے۔

پاکستان نے پٹرولیم مصنوعات کی قیمتوں میں بھارت، سری لنکا اور بنگلہ دیش کو پیچھے چھوڑ دیا ہے، پاکستان میں اس وقت پٹرول کی قیمت321روپے17 پیسے فی لٹر ہے۔

بھارت میں ایک لٹر پٹرول کی قیمت94روپے77پیسے مقرر ہے، سری لنکا میں ایک لٹر پٹرول293 روپے کا ہے، بنگلہ دیش میں بھی پٹرول کی قیمت پاکستان سےانتہائی کم ہے یعنی ایک لٹرپٹرول 116 ٹکا میں فروخت ہوتا ہے۔

پٹرولیم مصنوعات کی قیمتوں میں اضافہ ہوتے ہی گڈز ٹرانسپورٹرز نے کرایوں میں 20 فیصد اضافے کا اعلان کیا۔۔ پبلک ٹرانسپورٹرزبھی پیچھے نہیں رہے اور کرایوں میں من مانا اضافہ کر دیا ۔