نئے سال کا بڑا ریلیف: حکومت نے پیٹرول اور ڈیزل کی قیمتوں بڑی کمی کردی

حکومت نے نئے سال کی آمد پر عوام کو بڑا ریلیف دیتے ہوئے پیٹرولیم مصنوعات کی قیمتوں میں نمایاں کمی کا اعلان کر دیا ہے۔

جاری کردہ نوٹیفکیشن کے مطابق پیٹرول کی قیمت میں 10 روپے 28 پیسے کمی کی گئی ہے، جس کے بعد پیٹرول کی نئی قیمت 253 روپے 17 پیسے فی لیٹر مقرر کر دی گئی ہے۔

اسی طرح ہائی اسپیڈ ڈیزل کی قیمت میں 8 روپے 57 پیسے کمی کی گئی ہے، جس کے بعد ڈیزل کی نئی قیمت 257 روپے 8 پیسے فی لیٹر ہو گئی ہے۔

حکومتی اعلامیے کے مطابق پیٹرولیم مصنوعات کی نئی قیمتوں کا اطلاق یکم جنوری 2026 سے ہوگیا۔ نئے سال کے آغاز پر پیٹرول اور ڈیزل کی قیمتوں میں کمی کو عوام کے لیے خوش آئند قرار دیا جا رہا ہے۔