حکومت نے پیٹرولیم مصنوعات کی قیمتوں میں بڑا اضافہ کر دیا

اسلام آباد: حکومت نے پیٹرولیم مصنوعات کی قیمتوں میں غیرمعمولی اضافہ کرتے ہوئے عوام پر مزید بوجھ ڈال دیا۔ جاری کردہ نوٹیفکیشن کے مطابق ہائی اسپیڈ ڈیزل کی فی لیٹر قیمت میں 7 روپے 32 پیسے کا اضافہ کیا گیا ہے۔

اضافے کے بعد ہائی اسپیڈ ڈیزل کی نئی قیمت 270 روپے 70 پیسے فی لیٹر مقرر کردی گئی ہے۔

اسی طرح پیٹرول کی فی لیٹر قیمت میں 5 روپے اضافہ کیا گیا ہے، جس کے بعد پیٹرول کی نئی قیمت 258 روپے 17 پیسے فی لیٹر مقرر کردی گئی ہے۔

وزارت کی جانب سے نئی قیمتوں کا باقاعدہ نوٹیفکیشن جاری کردیا گیا ہے اور اطلاق آج رات بارہ بجے سے ہوگیا ہے۔