پٹرول اور ڈیزل کی قیمتوں میں معمولی کمی

پٹرولیم ڈویژن نے عالمی منڈی کی صورتحال اور دیگر عوامل کو مدنظر رکھتے ہوئے پٹرول اور ڈیزل کی قیمتوں میں معمولی کمی کا اعلان کر دیا ہے۔ جاری کردہ نئی قیمتوں کے مطابق پٹرول کی قیمت میں 58 پیسے جبکہ ہائی سپیڈ ڈیزل کی قیمت میں 17 پیسے فی لٹر کمی کی گئی ہے۔ اس کمی کے بعد پٹرول کی نئی قیمت 342 روپے 52 پیسے فی لٹر اور ہائی سپیڈ ڈیزل کی نئی قیمت 371 روپے 63 پیسے فی لٹر مقرر ہو گئی ہے۔ پٹرولیم مصنوعات کی ان نئی قیمتوں کا اطلاق رات 12 بجے سے اگلے تین دنوں یعنی 31 اگست تک کے لیے ہوگا۔