خیبر پختونخوا کے مختلف شہروں میں پولیس چوکیوں پر حملے، اہلکاروں سمیت متعدد زخمی

پشاور: پشاور، بنوں اور ہنگو میں دہشت گردوں نے پولیس تنصیبات کو نشانہ بنایا، جس کے نتیجے میں دو اہلکاروں سمیت 8 افراد زخمی ہوگئے جبکہ حملہ آور فرار ہونے میں کامیاب ہو گئے۔

پولیس حکام کے مطابق بڈھ بیر تھانے پر دستی بم حملے میں ایک اہلکار زخمی ہوا، جبکہ متنیٰ کے علاقے سرہ خوارہ پولیس چوکی پر ہونے والے حملے میں ایک اہلکار سمیت 7 افراد زخمی ہوئے۔ واقعے کے وقت چوکی میں جرگہ جاری تھا۔

پولیس نے فوری جوابی کارروائی کرتے ہوئے حملہ آوروں کو پسپا کر دیا۔ زخمیوں کو طبی امداد کے لیے اسپتال منتقل کر دیا گیا ہے۔

بنوں اور ہنگو میں بھی پولیس چیک پوسٹوں پر فائرنگ کی گئی تاہم پولیس کی موثر کارروائی سے حملے ناکام بنا دیے گئے۔