پشاور ہائیکورٹ: گورنر راج اور ایمرجنسی کے خلاف دائر درخواستوں پر سماعت

پشاور ہائیکورٹ میں خیبر پختونخوا میں گورنر راج اور ایمرجنسی کے نفاذ کے خلاف دائر آئینی درخواستوں پر اہم سماعت ہوئی۔

جسٹس اعجاز انور اور جسٹس فہیم ولی پر مشتمل دو رکنی بینچ نے کیس کی سماعت کی۔ دورانِ سماعت عدالت نے استفسار کیا کہ “آپ کو کس حد تک ایمرجنسی اور گورنر راج کے نفاذ پر اعتراض ہے؟” جس پر درخواست گزار کے وکیل نے اپنا موقف پیش کرتے ہوئے کہا کہ خیبر پختونخوا میں صرف سابقہ فاٹا اور ضم شدہ اضلاع (Merged Districts) کی حد تک گورنر راج اور ایمرجنسی کا نفاذ مناسب ہے۔

عدالت نے استفسار کیا کہ کیا درخواست میں نیشنل ایکشن پلان (National Action Plan) کا ذکر موجود ہے اور اگر عدالت وفاق سے جواب طلب کرے تو کس قانونی بنیاد پر کرے؟ بعد ازاں عدالت عالیہ نے معاملے پر اہم پیش رفت کرتے ہوئے اٹارنی جنرل آف پاکستان کے دفتر کو باضابطہ نوٹس جاری کر دیا اور کیس کی مزید سماعت 10 نومبر تک کے لیے ملتوی کر دی۔