پینٹاگون پر تنقید، امریکی عسکری اخبار کے چیف ایڈیٹر، پبلشر اور رپورٹر برطرف

امریکی وزارتِ دفاع (پینٹاگون) نے ملک کے تاریخی خودمختار عسکری اخبار ‘سٹارز اینڈ سٹرائپس’ (Stars and Stripes) کے چیف ایڈیٹر ایرک سلیون اور پبلشر میکسن لیڈرر کو عہدوں سے برطرف کر دیا ہے۔ اس کے علاوہ اخبار کی رپورٹر لارا کورٹے کو بھی ملازمت سے فارغ کر دیا گیا ہے۔ چیف ایڈیٹر ایرک سلیون کے مطابق ان کے خلاف یہ تادیبی اقدام پینٹاگون کی اداراتی مداخلت پر کھلم کھلا تنقید کرنے اور اسے سچ پر فوقیت دینے سے انکار کے بعد عدم اطاعت کے الزامات کے تحت اٹھایا گیا ہے۔

یہ برطرفیاں اس تحقیقاتی رپورٹ کی اشاعت کے چند روز بعد سامنے آئیں جس میں امریکی بحری جہاز ’یو ایس ایس ابراہام لنکن‘ کے عملے کی ابتر حالت زار کو اجاگر کیا گیا تھا، جس سے صدر ڈونلڈ ٹرمپ کی ایران سے متعلق عسکری حکمتِ عملی پر تنقید شروع ہوئی۔ پینٹاگون کی جانب سے اخبار کے پبلشر کے نائب کے طور پر فعال بحری کپتان ولیم اربن کی تعیّناتی کو ڈیموکریٹ قانون سازوں کی جانب سے اخبار کی صحافتی آزادی ختم کرنے کی کوشش قرار دیا جا رہا ہے، جبکہ امریکی وزیرِ دفاع پیٹ ہیگسیتھ ذرائع ابلاغ پر مسلسل سخت کنٹرول اور تنقید کی پالیسی پر گامزن ہیں۔