مون سون بارشوں کے باعث پنجاب کے دریاؤں میں طغیانی کی صورتحال برقرار

پنجاب ڈیزاسٹر مینجمنٹ اتھارٹی (PDMA) کے مطابق مون سون بارشوں کے باعث صوبے کے دریاؤں میں طغیانی کی صورتحال برقرار ہے۔ گزشتہ 24 گھنٹوں کے دوران دریائے سندھ میں کالا باغ کے مقام پر 2 لاکھ 73 ہزار، چشمہ کے مقام پر 3 لاکھ 13 ہزار اور تونسہ بیراج پر 3 لاکھ 64 ہزار کیوسک پانی کے بہاؤ کے ساتھ نچلے درجے کا سیلاب ہے۔ دریائے چناب میں سیلابی صورتحال نچلے درجے پر آ گئی ہے جہاں خانکی میں 1 لاکھ 20 ہزار، قادر آباد میں 1 لاکھ 23 ہزار اور تریموں میں 1 لاکھ 84 ہزار کیوسک پانی گزر رہا ہے۔ دریں اثنا، دریائے راوی میں سدھنائی کے مقام پر 60 ہزار کیوسک کے ساتھ درمیانے درجے کا سیلاب ہے جبکہ وزیر آباد کے نالہ پلکھو میں 5 ہزار کیوسک پانی کے ساتھ اونچے درجے کی طغیانی ہے۔ ڈی جی پی ڈی ایم اے عمر عباس میلہ نے دریاؤں کے پاٹ میں مقیم شہریوں کو فوری محفوظ مقامات پر منتقل ہونے اور دریاؤں یا نالوں کے قریب نہانے سے گریز کرنے کی ہدایت کی ہے۔