چیئرمین پی سی بی محسن نقوی کا پی ایس ایل فرنچائزز کے لیے بڑا اعلان

چیئرمین پاکستان کرکٹ بورڈ محسن نقوی نے پی ایس ایل کے اگلے ایڈیشن کے لیے انعامی رقوم میں اضافے کا بڑا اعلان کر دیا۔ آئندہ سیزن میں فرنچائزز کو کارکردگی کی بنیاد پر بھاری انعامی رقوم سے نوازا جائے گا۔

محسن نقوی کا کہنا ہے کہ پی ایس ایل کی چیمپئن ٹیم کو 5 لاکھ امریکی ڈالر جبکہ رنرز اپ ٹیم کو 3 لاکھ امریکی ڈالر کا انعام دیا جائے گا۔ اس کے علاوہ کرکٹ ڈویلپمنٹ میں بہترین کارکردگی کا مظاہرہ کرنے والی فرنچائز کے لیے 2 لاکھ امریکی ڈالر کا خصوصی انعام رکھا گیا ہے۔
چیئرمین پی سی بی نے کہا کہ یہ اقدامات فرنچائزز کی حوصلہ افزائی اور لیگ کے معیار کو مزید بہتر بنانے کے لیے کیے جا رہے ہیں۔ انہوں نے اس عزم کا اظہار کیا کہ سب کے مل کر کوشش کرنے سے پاکستان کرکٹ کو نئی بلندیوں تک پہنچایا جا سکتا ہے