LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پی سی بی بورڈ آف گورنرز کا اجلاس, نیشنل اسٹیڈیم کراچی کی تعمیرِ نو کی منظوری

Web Desk

16 December 2025

چیئرمین پاکستان کرکٹ بورڈ محسن نقوی کی زیرِ صدارت پی سی بی بورڈ آف گورنرز کا اجلاس ویڈیو لنک کے ذریعے منعقد ہوا، جس میں کرکٹ کے انفراسٹرکچر، پی ایس ایل، بین الاقوامی دوروں اور ڈومیسٹک کرکٹ سے متعلق اہم فیصلے کیے گئے۔

اجلاس میں نیشنل کرکٹ اسٹیڈیم کراچی کی تعمیرِ نو کے دوسرے مرحلے کی باضابطہ منظوری دے دی گئی، جبکہ ایل سی سی اے گراؤنڈ کو انگلینڈ کے تاریخی اوول گراؤنڈ کی طرز پر اپ گریڈ کرنے کا فیصلہ بھی کیا گیا، جس کی بی او جی نے متفقہ طور پر منظوری دے دی۔

بورڈ آف گورنرز کے اجلاس میں پی ایس ایل کے لندن اور نیویارک میں منعقدہ روڈ شوز کی کامیابی پر چیئرمین پی سی بی محسن نقوی اور ان کی ٹیم کی محنت، پیشہ ورانہ صلاحیتوں اور پروفیشنل ازم کو سراہا گیا۔ اجلاس میں سری لنکن ٹیم کے حالیہ دورۂ پاکستان کو جاری رکھنے کے لیے چیئرمین پی سی بی کی ذاتی کاوشوں کو بھی خراجِ تحسین پیش کیا گیا۔

بی او جی کے اراکین کی جانب سے چیئرمین پی سی بی محسن نقوی کے لیے اظہارِ تشکر کی قرارداد بھی منظور کی گئی۔ اس موقع پر محسن نقوی نے کہا کہ سری لنکن دورے کو جاری رکھنے کا کریڈٹ کسی ایک فرد کو نہیں بلکہ پوری ٹیم کو جاتا ہے۔ ان کا کہنا تھا کہ ہم نے اخلاص کے ساتھ محنت کی اور اللہ تعالیٰ نے مدد کی۔

چیئرمین پی سی بی نے کہا کہ پی ایس ایل روڈ شوز کی کامیابی پی سی بی اور پی ایس ایل کی پوری ٹیم کی مشترکہ کامیابی ہے، جبکہ پی ایس ایل کو ایک عالمی برانڈ بنانے کے لیے سب نے شبانہ روز انتھک محنت کی۔ انہوں نے اعلان کیا کہ پوری کوشش ہے کہ پی ایس ایل 11 کے میچز مظفرآباد اسٹیڈیم میں کرائے جائیں اور مستقبل میں مظفرآباد میں انٹرنیشنل میچز بھی منعقد کیے جائیں گے۔

محسن نقوی نے مزید بتایا کہ اسلام آباد میں ایک اسٹیٹ آف دی آرٹ کرکٹ اسٹیڈیم تعمیر کیا جائے گا۔ اجلاس کو آگاہ کیا گیا کہ ریجنل سطح پر ایک معروف نجی فرم نے کلبز کی سکروٹنی کا عمل شروع کر دیا ہے۔

اجلاس میں چیف ایگزیکٹو آفیسر پی ایس ایل سلمان نصیر نے پی ایس ایل روڈ شوز کے حوالے سے تفصیلی بریفنگ دی، جبکہ بورڈ کو مستقبل کے آئی سی سی ویمنز اور مینز کرکٹ ٹورنامنٹس کے بارے بھی آگاہ کیا گیا۔ ڈومیسٹک کرکٹ کے ڈھانچے کو مضبوط بنانے اور نچلی سطح پر ٹورنامنٹس اور میچز کی تعداد بڑھانے سے متعلق امور پر بھی بریفنگ دی گئی۔

اجلاس میں بورڈ آف گورنرز کے اراکین اسماعیل قریشی، طارق سرور، سجاد علی کھوکھر، انوار غنی، ظہیر عباس اور تنویر احمد نے شرکت کی۔ اس کے علاوہ ظفر اللہ، مصطفےٰ رمدے، عدنان ملک، ایڈیشنل سیکرٹری کابینہ ڈویژن، چیف آپریٹنگ آفیسر پی سی بی سمیر احمد، چیف ایگزیکٹو آفیسر پی ایس ایل سلمان نصیر، چیف فنانشل آفیسر، ڈائریکٹرز انفراسٹرکچر، ڈومیسٹک کرکٹ، کمرشل اور دیگر متعلقہ حکام بھی اجلاس میں موجود تھے