آن لائن گیم میں بھاری رقم ہارنے پر پیٹرولنگ پولیس اہلکار نے خودکشی کرلی

آن لائن گیم میں بھاری رقم ہارنے کے بعد شدید ذہنی دباؤ کا شکار پیٹرولنگ پولیس کے کانسٹیبل علی حسن ڈوگر نے سرکاری بندوق سے خود کو گولی مار کر خودکشی کر لی۔ پولیس کے مطابق متوفی پکھی موڑ پیٹرولنگ چیک پوسٹ پر بطور محرر تعینات تھا۔ ذرائع کا کہنا ہے کہ کانسٹیبل ایک عرصے سے آن لائن گیمز میں مصروف تھا اور اپنی تنخواہ سمیت عزیز و اقارب سے ادھار لی گئی بڑی رقم بھی گیمز میں ہار چکا تھا، جس کے باعث وہ شدید ذہنی تناؤ میں مبتلا تھا۔ واقعے کی اطلاع ملتے ہی پولیس افسران موقع پر پہنچ گئے اور واقعے کی تمام پہلوؤں سے تحقیقات کا آغاز کر دیا گیا ہے۔