پاکستان کا اعلیٰ سطح سینیٹرز وفد امریکہ بھیجنے کا فیصلہ

پاکستان نے امریکہ کی دعوت پر سینیٹرز پر مشتمل پانچ رکنی اعلیٰ سطح وفد بھیجنے کا فیصلہ کر لیا ہے۔ سینیٹ سیکرٹریٹ نے امریکی دورے کے لیے وفد کی نامزدگی کا نوٹیفکیشن جاری کر دیا ہے۔ وفد 20 تا 25 جنوری 2026 کو امریکہ کا دورہ کرے گا۔

وفد کی قیادت سینیٹ کے نائب چیئرمین سیدال خان کریں گے، جبکہ سینیٹر بشریٰ انجم بٹ، سینیٹر امیر ولی الدین چشتی، سینیٹر خلیل طاہر اور سینیٹر رانا محمود الحسن بھی وفد کا حصہ ہوں گے۔ ایڈیشنل سیکرٹری سینیٹ رابعہ انور بطور اکمپنیئنگ آفیسر وفد کے ہمراہ ہوں گی۔

وفد کے شیڈول کے مطابق امریکی کانگریس کے اہم ارکان، بشمول کانگریس مین رون ایسٹس، سے ملاقاتیں ہوں گی۔ ملاقاتوں میں پاک-امریکا تعلقات، خطے کی صورتحال اور دوطرفہ امور زیر بحث آنے کا امکان ہے۔