امریکا، اسرائیل اور ایران کشیدگی، پاکستانی طالب علم تفتان پہنچ گئے

ایران اور امریکہ و اسرائیل کے درمیان بڑھتی ہوئی کشیدگی کے باعث ایران میں زیرِ تعلیم 19 پاکستانی طلبہ تفتان سرحد کے راستے پاکستان پہنچ گئے ہیں۔ ڈی سی چاغی کے مطابق ان طلبہ میں 12 طالبات بھی شامل ہیں جو زاہدان میڈیکل کالج میں زیرِ تعلیم تھیں۔ تمام طلبہ کو اس وقت پاکستان ہاؤس تفتان میں ٹھہرایا گیا ہے جہاں وہ مکمل خیریت سے ہیں۔ ان طلبہ کا تعلق پنجاب اور خیبر پختونخوا سے ہے، جنہیں جلد کوئٹہ منتقل کر کے ان کے آبائی علاقوں کی طرف روانہ کر دیا جائے گا۔