بھارتی چینل پر پاکستان زندہ باد کے نعرے چل گئے

پاکستانی ہیکرز نے بھارت کے معروف نیوز چینل ‘اے بی پی نیوز’ (ABP News) پر بڑا سائبر حملہ کر کے اس کا کنٹرول حاصل کر لیا۔ حملے کے دوران بھارتی چینل پر پاکستانی فوج سے متعلق دستاویزی مواد اور نغمے چلائے گئے۔ حیران کن طور پر بھارتی سکرین پر ‘پاکستان ہمیشہ زندہ باد’ کے نعرے اور فیلڈ مارشل سید عاصم منیر کے خطاب کے اقتباسات بھی نشر کیے گئے۔ اس اچانک حملے نے بھارتی میڈیا ہاؤسز کی سائبر سکیورٹی کے پول کھول دیے ہیں اور سوشل میڈیا پر اس ہیکنگ کی ویڈیوز وائرل ہو رہی ہیں۔