LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

امریکا میں پاکستانی کمیونٹی کو ہراساں کرنے اور جعلی کالز، ای میلز کا انکشاف، قونصل خانہ نیویارک نے الرٹ جاری کر دیا

Web Desk

9 November 2025

نیویارک سمیت مختلف امریکی ریاستوں میں پاکستانی کمیونٹی کو ہراساں کرنے اور فراڈ کی منظم کارروائیوں کا انکشاف ہوا ہے۔ کمیونٹی کے متعدد افراد نے مشکوک فون کالز اور فیک ای میلز موصول ہونے کی شکایات درج کروائی ہیں جن میں خود کو پاکستانی قونصل خانے، ایف آئی اے یا پاکستانی حکام کا نمائندہ ظاہر کیا جاتا ہے۔

ذرائع کے مطابق حالیہ دنوں میں پاکستانی کمیونٹی کو ایسی فیک ای میلز بھی بھیجی گئیں جن میں دعویٰ کیا گیا تھا کہ وزیراعلی پنجاب مریم نواز نیویارک آرہی ہیں اور کمیونٹی کو ان سے ملاقات کی دعوت دی گئی ہے۔ ای میل ملتے ہی درجنوں افراد مقام پر روانہ ہوئے، جبکہ کچھ نے فون کالز کے ذریعے تصدیق بھی کی۔ بعد میں معلوم ہوا کہ ایسا کوئی پروگرام موجود ہی نہیں تھا اور یہ پورا سلسلہ فیک تھا۔

اس کے علاہ مزید تشویشناک صورتحال بھی اس وقت سامنے آئی جب کچھ کمیونٹی ممبران کو مشکوک فون کالز موصول ہونا شروع ہوئیں جن میں کہا جاتا کہ پنجاب میں آپ کے خلاف مقدمہ درج کیا گیا ہے، اپنی پوزیشن واضح کریں۔ بعض متاثرین کے مطابق ان کالز کے ذریعے طویل کانفرنس کالز کروائی گئیں اور دعویٰ کیا گیا کہ پنجاب پولیس افسران بھی ویڈیو لنک کے ذریعے کال میں موجود ہیں۔
پاکستانی کمیونٹی نے بتایا کہ ان کالز کی تعداد بڑھتی جارہی ہے، خاص طور پر نیویارک اور نیوجرسی کے شہریوں کو ٹارگٹ کیا جا رہا ہے، جس کی وجہ سے کمیونٹی میں خوف و تشویش کی لہر پیدا ہوگئی ہے۔ ان ہراسانی کی فیک کالز اور شکایات پر امریکا پاکستانی قونصل خانے نے الرٹ جاری کردیا ہے
نیویارک میں پاکستانی قونصل خانے نے ان تمام رپورٹس پر نوٹس لیتے ہوئے باضابطہ الرٹ جاری کر دیا ہے۔قونصل خانے کے مطابق قونصل خانہ کوئی بھی غیر ضروری یا بلا طلب کالز نہیں کرتا
ذاتی معلومات، دستاویزات یا ادائیگی کبھی فون یا واٹس ایپ پر نہیں مانگی جاتی، موصول ہونے والی مشکوک کالز اور ای میلز مکمل طور پر فیک ہیں،حکام کو ہدایت کی گئی ہے کہ کمیونٹی ایسے تمام رابطوں کی فوراً رپورٹ کرے۔قونصل خانے نے یہ بھی بتایا کہ بعض جعلی عناصر سرکاری اداروں کے نام اور شناخت استعمال کرتے ہوئے کمیونٹی کو دھوکہ دینے کی کوشش کر رہے ہیں، اور بعض اوقات جعلی یونیفارم یا دستاویزات بھی استعمال کیے جاتے ہیں۔
پاکستانی قونصل خانے نے کمیونٹی کو ہدایت کی ہے کہ کسی بھی مشکوک واقعے کی اطلاع آفیشل ای میلز پر بھیجی جائے تاکہ اس طرح کی فیک کالز اور ہراساں کرنے کے معاملے کی تحقیقات کی جائیں