ملک بھر میں سرد اور خشک موسم کا امکان، میدانی علاقوں میں دھند کی پیشگوئی

محکمہ موسمیات کے مطابق آئندہ چند روز کے دوران ملک کے بیشتر علاقوں میں موسم سرد اور خشک رہنے کا امکان ہے، جبکہ پہاڑی علاقوں میں سردی کی شدت برقرار رہے گی۔

محکمہ موسمیات کا کہنا ہے کہ پنجاب اور سندھ کے میدانی علاقوں میں صبح اور رات کے اوقات میں دھند چھائے رہنے کا امکان ہے۔ اسلام آباد اور پنجاب کے بیشتر اضلاع میں موسم سرد اور خشک رہے گا۔

خیبر پختونخوا کے پہاڑی علاقوں، مری اور گلیات میں موسم شدید سرد رہنے کی پیشگوئی کی گئی ہے، جبکہ بلوچستان کے شمالی اضلاع میں بھی سردی کی شدت برقرار رہنے کا امکان ہے۔

محکمہ موسمیات کے مطابق کشمیر اور گلگت بلتستان میں موسم خشک اور شدید سرد رہنے کی توقع ہے۔