دورہ عمان کے لئے انڈر 21 ہاکی ٹیم کے 20 رکنی اسکواڈ کا اعلان

پاکستان ہاکی فیڈریشن (PHF) نے دورۂ عمان کے لیے پاکستان کی انڈر 21 ہاکی ٹیم کے 20 رکنی حتمی اسکواڈ کا باضابطہ اعلان کر دیا ہے۔

پاکستان ہاکی فیڈریشن کے مطابق، نصیر بندہ ہاکی اسٹیڈیم اسلام آباد میں منعقد ہونے والے کامیاب اور شفاف ٹرائلز کے بعد باصلاحیت کھلاڑیوں کا انتخاب مکمل کیا گیا ہے۔ فیڈریشن نے مایہ ناز اسٹرائیکر حمزہ فیاض کو دورۂ عمان کے لیے پاکستان انڈر 21 ہاکی ٹیم کا کپتان مقرر کیا ہے، جبکہ سمیع اللہ کو ٹیم کا نائب کپتان نامزد کیا گیا ہے۔

اعلان کردہ 20 رکنی اسکواڈ کی فارمیشن کے مطابق، ٹیم میں 2 گول کیپرز، 9 ہاف بیکس و ڈیفنڈرز، 4 مڈ فیلڈرز اور 5 اسٹرائیکرز کو شامل کیا گیا ہے۔ پاکستان ہاکی فیڈریشن نے امید ظاہر کی ہے کہ پاکستان کی یہ نوجوان انڈر 21 ہاکی ٹیم عمان کی سرزمین پر اپنی بہترین صلاحیتوں کا بھرپور مظاہرہ کرے گی اور ملک کا نام روشن کرے گی۔