LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

دورہ ویسٹ انڈیز اور انگلینڈ:قومی کرکٹ ٹیم کا متوقع اسکواڈ سامنے آگیا

Web Desk

2 July 2026

پاکستان کرکٹ ٹیم کے دورۂ ویسٹ انڈیز اور انگلینڈ کے لیے قومی ٹیسٹ اسکواڈ کے ممکنہ کھلاڑیوں اور کپتان کے نام سامنے آگئے ہیں، جس کا باضابطہ اعلان اگلے چند روز میں متوقع ہے۔

ذرائع کے مطابق، پاکستان کرکٹ بورڈ (PCB) کی سلیکشن کمیٹی نے ممکنہ اسکواڈ اور کپتان کے ناموں پر اپنی اہم مشاورت مکمل کر لی ہے۔ سلیکشن کمیٹی کی جانب سے شان مسعود کو ہی ٹیسٹ ٹیم کا کپتان برقرار رکھنے کی تجویز چیئرمین پی سی بی محسن نقوی کو ارسال کر دی گئی ہے۔ اس اہم سیریز کے لیے مجموعی طور پر 17 رکنی قومی اسکواڈ کو حتمی شکل دی جائے گی۔ ذرائع کا کہنا ہے کہ ممکنہ ٹیسٹ اسکواڈ میں اوپنر امام الحق، نوجوان بیٹر اذان اویس اور عبداللہ فضل کو برقرار رکھے جانے کا قوی امکان ہے، جبکہ بابر اعظم، سلمان علی آغا، ساجد خان، محمد عباس اور خرم شہزاد بھی اسکواڈ کا لازمی حصہ ہوں گے۔ اس بار سلیکشن کمیٹی کی جانب سے نوجوان فاسٹ بالر عبید شاہ اور علی عثمان کو پہلی بار قومی ٹیسٹ اسکواڈ میں شامل کیے جانے کا امکان ہے، جبکہ انجری اور دیگر وجوہات سے باہر رہنے والے فاسٹ بالرز محمد علی اور عامر جمال کی بھی قومی ٹیسٹ ٹیم میں واپسی متوقع ہے۔

دوسری جانب، وکٹ کیپر بیٹر محمد رضوان اور مڈل آرڈر بیٹر سعود شکیل کی فٹنس کا باریک بینی سے جائزہ لیا جا رہا ہے۔ اچھی خبر یہ ہے کہ دونوں کرکٹرز نے اپنے فٹنس ٹیسٹ پاس کرنے کے بعد گراؤنڈ میں باقاعدہ پریکٹس کا آغاز کر دیا ہے۔ واضح رہے کہ شیڈول کے مطابق قومی کرکٹ ٹیم 13 جولائی 2026 کو ویسٹ انڈیز کے دورے کے لیے روانہ ہوگی، جس کے بعد انگلینڈ کا دورہ بھی کیا جائے گا۔