پاکستان سٹاک مارکیٹ میں تیزی، ایک لاکھ 76 ہزار پوائنٹس کی حد بحال

کاروبار کے آغاز پر ہی مارکیٹ میں 1,600 سے زائد پوائنٹس کا اضافہ ہوا، جس سے سرمایہ کاروں میں اعتماد بڑھا اور مارکیٹ کی مجموعی صورتحال میں مثبت رجحان دیکھا گیا۔

واضح رہے کہ گزشتہ کاروباری دن کے اختتام پر ہنڈرڈ انڈیکس 5,149 پوائنٹس کی کمی کے ساتھ ایک لاکھ 74 ہزار 453 پوائنٹس پر بند ہوا تھا، اس کے بعد آج کی تیزی نے مارکیٹ کو دوبارہ مضبوط سطح پر بحال کر دیا۔

ماہرین کا کہنا ہے کہ مثبت رجحان کا سبب بین الاقوامی مارکیٹوں میں بہتری، ملکی معاشی اقدامات اور سرمایہ کاروں کے اعتماد میں اضافہ ہے۔