2 روز کی مندی کے بعد پاکستان سٹاک مارکیٹ میں زبردست تیزی

پاکستان سٹاک مارکیٹ میں دو روزہ شدید مندی کے بعد مثبت رجحان دیکھنے میں آیا۔ کاروباری ہفتے کے تیسرے روز کاروبار کے آغاز پر زبردست تیزی کے نتیجے میں ہنڈرڈ انڈیکس 1,77,023 پوائنٹس پر پہنچ گیا۔

سٹاک مارکیٹ میں 3800 سے زائد پوائنٹس کا اضافہ ریکارڈ کیا گیا۔گزشتہ کاروباری دن کے اختتام پر ہنڈرڈ انڈیکس 1,73,150 پوائنٹس پر بند ہوا تھا، یعنی 1,303 پوائنٹس کی کمی تھی۔انٹربینک مارکیٹ میں امریکی ڈالر کی قدر مستحکم رہی، جس کی قیمت 279.60 روپے پر برقرار ہے۔بازار میں سرمایہ کاروں نے مثبت اشاروں کے بعد حصص میں خریداری کو ترجیح دی، جس سے مارکیٹ میں اعتماد بحال ہوا۔