پاکستان سٹاک مارکیٹ میں کاروبار کے آغاز پر مثبت رجحان

پاکستان سٹاک ایکسچینج (PSX) میں کاروباری ہفتے کے چوتھے روز زبردست مثبت رجحان دیکھنے میں آیا ہے، جہاں انڈیکس میں 800 سے زائد پوائنٹس کا بڑا اضافہ ریکارڈ کیا گیا۔

کاروبار کے آغاز پر ہی سرمائے کاری کے مثبت رجحان کے باعث 100 انڈیکس 800 سے زائد پوائنٹس کے اضافے کے ساتھ 1 لاکھ 75 ہزار 237 پوائنٹس کی بلند سطح پر پہنچ گیا۔

واضح رہے کہ اس سے قبل گزشتہ کاروباری روز کے اختتام پر مارکیٹ میں شدید مندی دیکھی گئی تھی، جہاں ہنڈرڈ انڈیکس 1,703 پوائنٹس کی کمی کے ساتھ 1 لاکھ 74 ہزار 429 پوائنٹس کی سطح پر بند ہوا تھا۔ تاہم آج کے کاروباری آغاز میں ہی سرمایہ کاروں کی دلچسپی کی بحالی سے مارکیٹ میں تیزی کا رجحان غالب آگیا۔