پاکستان اسٹاک مارکیٹ میں مندی، کاروبار 902 پوائنٹس کی کمی پر بند

پاکستان اسٹاک ایکسچینج میں کاروباری ہفتے کے دوران منفی رجحان دیکھنے میں آیا اور مارکیٹ مندی کے ساتھ بند ہوئی۔

ہنڈرڈ انڈیکس 902 پوائنٹس کی کمی کے بعد ایک لاکھ پینسٹھ ہزار پانچ سو چھیانوے پوائنٹس پر بند ہوا۔

کاروبار کے دوران ہنڈرڈ انڈیکس کی بلند ترین سطح ایک لاکھ چھیاسٹھ ہزار نو سو چوبیس پوائنٹس جبکہ کم ترین سطح ایک لاکھ پینسٹھ ہزار دو سو اکیانوے پوائنٹس ریکارڈ کی گئی۔

دن بھر مارکیٹ میں بائیس ارب اکتیس کروڑ روپے مالیت کے باسٹھ کروڑ چون لاکھ شیئرز کے سودے ہوئے۔

مارکیٹ میں شامل پانچ سو باسٹھ کمپنیوں میں سے دو سو بہتر کمپنیوں کے حصص کی قیمتوں میں کمی جبکہ ایک سو اڑسٹھ کمپنیوں کے حصص کی قیمتوں میں اضافہ ریکارڈ کیا گیا۔