پاکستان سٹاک مارکیٹ میں کاروبار کا مثبت زون میں آغاز

پاکستان سٹاک مارکیٹ میں آج کاروبار کے آغاز سے ہی زبردست تیزی کا رجحان دیکھا گیا، جس کے نتیجے میں ہنڈرڈ انڈیکس ایک بار پھر ایک لاکھ 68 ہزار پوائنٹس کی نفسیاتی حد عبور کرنے میں کامیاب ہو گیا ہے۔ کاروباری ہفتے کے تیسرے روز انڈیکس میں 1900 سے زائد پوائنٹس کا بڑا اضافہ ریکارڈ کیا گیا، جس سے مارکیٹ ایک لاکھ 68 ہزار 191 پوائنٹس کی سطح پر پہنچ گئی۔

واضح رہے کہ گزشتہ کاروباری دن کے اختتام پر انڈیکس ایک لاکھ 66 ہزار 258 پوائنٹس پر بند ہوا تھا، تاہم آج کی اس تیزی نے سرمایہ کاروں کے اعتماد میں مزید اضافہ کر دیا ہے۔ معاشی ماہرین اس مثبت رجحان کو ملک میں جاری حالیہ اصلاحات اور بہتر ہوتی معاشی صورتحال کا نتیجہ قرار دے رہے ہیں