اسنوکر ٹیم ورلڈکپ: پاکستان نے بھارت کو مات دے کر فائنل میں جگہ بنالی

اسنوکر ٹیم ورلڈکپ کے اہم سیمی فائنل میں پاکستان نے شاندار کارکردگی دکھاتے ہوئے بھارت کو تین۔ایک سے شکست دے کر فائنل میں جگہ بنالی۔
مقابلے کے پہلے سنگل میں بھارت کے پنکج ایڈوانی نے اسجد اقبال کو ہرا کر برتری حاصل کی، تاہم دوسرے سنگل میں محمد آصف نے برجیش دامانی کو مات دے کر مقابلہ برابر کردیا۔

جوڑی کے مقابلے میں اسجد اقبال اور محمد آصف نے پنکج ایڈوانی اور برجیش دامانی کو شکست دیکر پاکستان کو مضبوط پوزیشن دلائی۔
محمد آصف نے نہ صرف دونوں سنگلز جیتے بلکہ ڈبل میچ کی کامیابی میں بھی اہم کردار ادا کیا۔

ریورس سنگل میں محمد آصف نے ایک بار پھر پنکج ایڈوانی کو شکست دے کر پاکستان کو فائنل تک رسائی دلادی۔