پاکستان نے ایران میں سفارتی عملہ محدود کر دیا، غیر سفارتی عملہ واپس بلا لیا گیا

اسلام آباد: پاکستان نے ایران میں موجود اپنے سفارتی عملے کی تعداد محدود کرنے کا فیصلہ کیا ہے۔

سفارتی ذرائع کے مطابق غیر سفارتی عملے کو حفاظتی اقدامات کے تحت فی الحال واپس بلا لیا گیا ہے جبکہ سفارتی عملہ ایران میں اپنی ذمہ داریاں انجام دے رہا ہے۔ذرائع کا کہنا ہے کہ ایران میں پاکستانی سفارتکار انتہائی مشکل حالات کے باوجود اپنے فرائض بخوبی انجام دے رہے ہیں۔ ایران میں پاکستان کے سفیر مدثر ٹیپو سفارتی عملے کی قیادت کر رہے ہیں۔سفارتی ذرائع کے مطابق ایران میں پاکستانی سفارتخانہ اور قونصل خانے مشکل حالات کے باوجود پاکستانی شہریوں کی سہولت کے لیے بدستور کھلے ہیں اور قونصلر خدمات جاری رکھی گئی ہیں۔