LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

ایچ بی ایف سی ایل، روزویلٹ ہوٹل، اسلام آباد ایئرپورٹ، حیسکو اور سیپکو کی نجکاری سے متعلق اہم فیصلے

Web Desk

9 January 2026

مشیرِ نجکاری محمد علی کی زیر صدارت نجکاری کمیشن بورڈ کے اجلاس میں ایچ بی ایف سی ایل (ہاؤس بلڈنگ فنانس کمپنی) کی نجکاری کا عمل نئے سرے سے شروع کرنے کا فیصلہ کر لیا گیا، جبکہ موجودہ نجکاری عمل کو باضابطہ طور پر ختم کر دیا گیا۔

اجلاس میں فیصلہ کیا گیا کہ روزویلٹ ہوٹل نیویارک کی نجکاری کے لیے نیا عمل شروع کیا جائے گا اور اس مقصد کے لیے فنانشل ایڈوائزر کی دوبارہ تقرری کی جائے گی۔ اسی اجلاس میں اسلام آباد انٹرنیشنل ایئرپورٹ کو نجکاری پروگرام میں شامل کرنے کی منظوری بھی دے دی گئی۔

نجکاری کمیشن کے مطابق اسلام آباد ایئرپورٹ کی نجکاری کنسیشن ماڈل کے تحت کرنے کی سفارش کی گئی ہے، جبکہ ایشیائی ترقیاتی بینک (ADB) سے فنانشل ایڈوائزر کی خدمات کے لیے مذاکرات کی منظوری بھی دی گئی۔ اجلاس میں حکومتی سطح پر براہ راست جی ٹو جی معاہدے کے آپشن کو مسترد کر دیا گیا۔

اجلاس کے دوران حیسکو اور سیپکو کی نجکاری کے لیے ٹرانزیکشن کمیٹیاں قائم کر دی گئیں۔ بریفنگ میں بتایا گیا کہ بجلی کی تقسیم کار کمپنیوں (ڈسکوز) کی نجکاری عملدرآمد کے مرحلے میں داخل ہو چکی ہے، اور نجکاری کے تمام مراحل میں شفاف اور مسابقتی عمل کو یقینی بنانے کے عزم کا اعادہ کیا گیا۔

نجکاری کمیشن کے مطابق ایچ بی ایف سی ایل کے 51 فیصد حصص کی فروخت منسوخ کر دی گئی، کیونکہ صرف ایک بولی موصول ہوئی تھی۔ پی ایم آر سی ایل کی جانب سے 4.2 ارب روپے کی بولی حکومت کی مقررہ قیمت 13.55 ارب روپے سے نمایاں طور پر کم ہونے پر مسترد کر دی گئی۔ اب ایچ بی ایف سی ایل کی نجکاری نئے سرے سے شروع کی جائے گی اور اس کے لیے نیا فنانشل ایڈوائزر مقرر کیا جائے گا۔