حکومت نے پٹرولیم مصنوعات کی قیمتوں میں بڑی کمی کر دی

حکومتِ پاکستان نے عوام کو بڑا ریلیف دیتے ہوئے پٹرولیم مصنوعات کی قیمتوں میں نمایاں کمی کا باقاعدہ نوٹیفکیشن جاری کر دیا ہے۔

پٹرولیم ڈویژن اور آئل اینڈ گیس ریگولیٹری اتھارٹی (OGRA) کی جانب سے جاری کردہ نوٹیفکیشن کے مطابق، پٹرول کی قیمت میں 5 روپے 16 پیسے فی لیٹر جبکہ ڈیزیل کی قیمت میں 7 روپے 69 پیسے فی لیٹر کمی کر دی گئی ہے۔ قیمتوں میں اس ردوبدل کے بعد ڈیزل کی نئی ایکس ڈپو قیمت 389 روپے 27 پیسے فی لیٹر اور پٹرول کی نئی قیمت 381 روپے 14 پیسے فی لیٹر مقرر ہو گئی ہے۔

نوٹیفکیشن کے مطابق اوگرا نے حکومتی پٹرولیم پرائسنگ میکنزم کے تحت 20 اکتوبر 2026 کے لیے ان نئی قیمتوں کا نفاذ کیا ہے۔ پٹرولیم ڈویژن کا کہنا ہے کہ اعلان کردہ قیمتیں عالمی مارکیٹ میں خام تیل، پٹرول، ڈیزل، پلاٹس ریٹس، عالمی پریمیم اور دیگر لاجسٹک اخراجات میں ہونے والی تبدیلیوں کے عین مطابق طے کی گئی ہیں۔