پیٹرول 3 روپے 63 پیسے سستا، ڈیزل 31 پیسے مہنگا ہوگیا

حکومت نے آئندہ پندرہ روز کے لیے پٹرولیم مصنوعات کی نئی قیمتوں کا اعلان کر دیا ہے، جس کے تحت پٹرول کی قیمت میں کمی جبکہ ہائی اسپیڈ ڈیزل کی قیمت میں معمولی اضافہ کیا گیا ہے۔

پٹرولیم ڈویژن کی جانب سے جاری کردہ باضابطہ نوٹیفکیشن کے مطابق پٹرول کی فی لیٹر قیمت میں 3 روپے 63 پیسے کمی کی گئی ہے، جس کے بعد پٹرول کی نئی قیمت 390 روپے 23 پیسے فی لیٹر مقرر ہو گئی ہے۔ دوسری جانب ہائی اسپیڈ ڈیزل کی قیمت میں 31 پیسے فی لیٹر اضافہ کیا گیا ہے، جس سے اس کی نئی قیمت 396 روپے 96 پیسے فی لیٹر ہو گئی ہے۔

اوگرا (OGRA) اور پٹرولیم ڈویژن کے مطابق قیمتوں میں یہ ردوبدل عالمی منڈی میں خام تیل کی قیمتوں، پلاٹس ریٹس، پریمیم اور دیگر لاجسٹک اخراجات میں ہونے والی تبدیلیوں کو مدنظر رکھتے ہوئے اور حکومتی پٹرولیم پرائسنگ میکنزم کے تحت کیا گیا ہے۔ نئی قیمتوں کا اطلاق 16 اکتوبر 2026 سے ہو چکا ہے۔