مشرقِ وسطیٰ کیلئے پاکستان سے پروازوں کا آپریشن بتدریج بحال

پاکستان سے مشرقِ وسطیٰ کے لیے فلائٹ آپریشن مستحکم ہونے لگا۔ ملک بھر سے مشرقِ وسطیٰ کی آج دو سو اکتیس پروازیں آپریشنل ہوں گی، جبکہ باہتر منسوخ کردی گئیں۔ چودہ روز کے دوران پاکستان سے مشرقِ وسطیٰ کی منسوخ پروازیں ایک ہزار آٹھ سو گیارہ سے تجاوز کرگئیں۔ کراچی سے چودہ پروازیں منسوخ ہوگئیں جبکہ چونسٹھ آپریٹ ہوں گی۔ لاہور سے 17 پروازیں منسوخ ہوئیں اور 55 آپریشنل ہیں۔ اسلام آباد سے مشرقِ وسطیٰ کی آج کی 25 پرواز منسوخ کی گئیں جبکہ 64 پروازیں آپریٹ کی جائیں گی۔ پشاور ایئرپورٹ سے 14 پروازیں منسوخ اور 8 آپریٹ کی جا رہی ہیں۔ سیالکوٹ سے 8، فیصل آباد سے 10 اور ملتان سے 24 پروازیں آپریشنل ہیں اور 2 منسوخ کی گئی ہیں جبکہ کوئٹہ سے دبئی اور شارجہ کے لیے آج کی چاروں پروازیں آپریشنل ہیں۔