فضائی آپریشن معطل: امریکہ ایران جنگ کے باعث پاکستان سے مشرقِ وسطیٰ کی 166 پروازیں منسوخ، مسافر دربدر

امریکا ایران جنگ کے باعث خطے میں کشیدگی کی وجہ سے آج بھی پاکستان کی مشرق وسطیٰ کے لیے ایک سو چھیاسٹھ پروازیں منسوخ ہوگئیں۔ اسلام آباد سے ریاض کے لیے اڑان بھرنے والی نجی ائیرلائن کی پرواز کو کراچی اتار لیا گیا۔ کراچی سے سینتیس پروازیں منسوخ کی گئیں جنھیں دبئی، شارجہ، بحرین، دوحہ اورابوظبی روانہ ہونا تھا۔ لاہور سے بھی کویت، دبئی،دوحہ، ابوظہبی، شارجہ اوربحرین کی بتیس پروازیں منسوخ کی گئیں۔ اسی طرح اسلام آباد سے بھی بغداد، بحرین، کویت، العین، ابوظہبی، دوحہ اور شارجہ جانے والی کی سینتیس پروازیں منسوخ ہوئیں جبکہ پشاور سے دوحہ، شارجہ، ابوظبی، راس الخیمہ کی اٹھارہ پروازیں بھی منسوخ ہونے والوں میں شامل ہیں۔ فیصل آباد سے دوحہ، دبئی، بحرین، شارجہ اور ابوظہبی کی سولہ پروازیں جبکہ ملتان سے دوحہ، شارجہ، دبئی اور ابوظہبی کی اٹھارہ پروازیں منسوخ ہوئیں۔ کوئٹہ سے شارجہ کیلئے غیرملکی ائیر لائن کی آج دونوں پروازیں منسوخ کردی گئیں۔