اضافی لاجسٹک اخراجات پر میٹ ایکسپورٹرز کا احتجاج، برآمدات متاثر ہونے کا خدشہ

گوشت برآمد کنندگان نے اضافی لاجسٹک اخراجات کے نفاذ پر تحفظات کا اظہار کرتے ہوئے کہا ہے کہ اس سے برآمدات شدید متاثر ہو سکتی ہیں۔

برآمد کنندگان کے مطابق گیریز ڈی نیٹا کی جانب سے فی کلو 50 روپے اضافی چارج عائد کیا گیا ہے اور ادائیگی نہ کرنے کی صورت میں برآمدی سامان کی پراسیسنگ روکنے کی وارننگ دی گئی ہے۔

میٹ ایکسپورٹرز ایسوسی ایشن نے وزارتِ تجارت سے فوری مداخلت کا مطالبہ کرتے ہوئے کہا ہے کہ اچانک لاجسٹک اخراجات میں اضافہ ملکی مارکیٹ شیئر کو کم کر سکتا ہے۔

ایسوسی ایشن کے مطابق برآمد کنندگان پہلے ہی عالمی منڈی میں سخت مسابقت کا سامنا کر رہے ہیں اور اضافی بوجھ کے باعث غیر ملکی خریدار دیگر ممالک کا رخ کر سکتے ہیں۔

انہوں نے حکومت پر زور دیا کہ لاجسٹک نظام کو شفاف اور مستحکم بنایا جائے تاکہ برآمدی شعبہ مزید مشکلات سے بچ سکے۔