پاکستان کے ذمے 138ارب ڈالر کاقرض ، ادائیگیوں پر سالانہ 13ارب ڈالرسے زائد خرچ

اکنامک افئیرزڈویژن کے مطابق پاکستان کے بیرونی قرضوں پر سود کی ادائیگی میں84 فیصد اضافہ ہوا ہے اور 3 سال میں سود کا حجم بڑھ کر 3.59 ارب ڈالر تک پہنچ گیا۔دستاویزکے مطابق  2022 کےمقابلے میں گزشتہ سال سود کی ادائیگی 1.67 ارب ڈالر بڑھ گئی، سود آئی ایم ایف، عالمی بینک، ایشیائی ترقیاتی بینک اورکمرشل بینکوں کو ادا کیا گیا، سعودی عرب اور چین نے بھی سیف ڈیپازٹس پر سود وصول کیا۔

دستاویز کے مطابق سود سمیت قرضوں کی ادائیگی پر سالانہ 13 ارب 32 کروڑ ڈالرخرچ ہوئے، پاکستان کے بیرونی قرضوں میں گزشتہ سال 1.71 ارب ڈالر اضافہ ہوا جبکہ پاکستان نےگزشتہ 3 سال میں 9.73 ارب ڈالرقرض کی رقم واپس کی۔