رواں مالی سال میں آئی ٹی برآمدات میں 20 فیصد اضافہ، اسٹیٹ بینک

کراچی: اسٹیٹ بینک کے تازہ اعداد و شمار کے مطابق رواں مالی سال کے جولائی تا فروری کے آٹھ ماہ میں پاکستان کی آئی ٹی برآمدات میں سالانہ 20 فیصد کا اضافہ ریکارڈ کیا گیا ہے۔

مرکزی بینک کے مطابق جولائی تا فروری 2026ء میں آئی ٹی برآمدات 2 ارب 97 کروڑ 50 لاکھ ڈالر تک پہنچ گئیں۔ صرف فروری 2026ء میں آئی ٹی برآمدات 36 کروڑ 50 لاکھ ڈالر رہی، جو پچھلے سال کی اسی مدت کے مقابلے میں 19 فیصد زیادہ ہے۔

ماہانہ بنیادوں پر فروری 2026ء میں آئی ٹی برآمدات میں 2 فیصد کمی ریکارڈ کی گئی، تاہم شعبہ خدمات میں آئی ٹی سیکٹر کا حصہ بڑھ کر 45 فیصد تک پہنچ چکا ہے، جو ملکی معیشت میں اس شعبے کی بڑھتی ہوئی اہمیت کو ظاہر کرتا ہے۔