LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

پاکستان اور آئی ایم ایف میں سٹاف لیول معاہدہ نہ ہوسکا، مذاکرات جاری رکھنے کا اعلان

Web Desk

12 March 2026

پاکستان اور آئی ایم ایف کے درمیان پندرہ روزہ ورچوئل مذاکرات کے باوجود سٹاف لیول معاہدہ طے نہ پا سکا، تاہم دونوں فریقین کے درمیان مذاکرات جاری رکھنے پر اتفاق کیا گیا ہے۔

آئی ایم ایف کے اعلامیے کے مطابق پاکستان کے 7 ارب ڈالر کے ایکسٹینڈڈ فنڈ فیسیلٹی (ای ایف ایف) پروگرام کے تیسرے جائزے اور ریزیلینس اینڈ سسٹین ایبلٹی فیسیلٹی (آر ایس ایف) کے دوسرے جائزے پر بات چیت کے باوجود ابھی تک سٹاف لیول معاہدہ نہیں ہو سکا، تاہم مذاکرات میں خاطر خواہ پیش رفت ہوئی ہے۔

اعلامیے میں کہا گیا ہے کہ مہنگائی کو قابو میں رکھنے کے لیے سخت مانیٹری پالیسی برقرار رکھنے پر زور دیا گیا جبکہ پروگرام پر عمل درآمد مجموعی طور پر طے شدہ وعدوں کے مطابق رہا ہے۔ اس کے علاوہ مالیاتی خسارہ کم کرنے اور پبلک فنانس کو مزید مضبوط بنانے کے اقدامات پر بھی تفصیلی بات چیت ہوئی۔

آئی ایم ایف مشن کی سربراہ ایوا پیٹرووا کے مطابق پاکستان اور آئی ایم ایف کے وفود کے درمیان 25 فروری سے 11 مارچ تک ورچوئل مذاکرات جاری رہے جن میں توانائی کے شعبے میں اصلاحات اور کارکردگی بہتر بنانے پر خصوصی توجہ دی گئی۔

انہوں نے بتایا کہ پاکستانی معاشی ٹیم کے ساتھ سماجی تحفظ، صحت اور تعلیم کے شعبوں میں اخراجات بڑھانے کے حوالے سے بھی تبادلہ خیال کیا گیا۔

اعلامیے میں کہا گیا ہے کہ موسمیاتی تبدیلی سے نمٹنے کے لیے اصلاحاتی اقدامات میں پیش رفت کا جائزہ لیا گیا جبکہ مشرق وسطیٰ میں جاری تنازع کے پاکستان کی معیشت پر ممکنہ اثرات کا بھی تفصیلی تجزیہ کیا گیا۔

آئی ایم ایف نے عالمی سطح پر توانائی کی بڑھتی قیمتوں اور مالی دباؤ پر تشویش کا اظہار کرتے ہوئے کہا ہے کہ پاکستان کے ساتھ مزید مذاکرات آئندہ چند روز تک جاری رہیں گے۔

واضح رہے کہ اگر یہ جائزہ کامیابی سے مکمل ہو جاتا ہے تو پاکستان کو ای ایف ایف پروگرام کے تحت تقریباً ایک ارب ڈالر جبکہ آر ایس ایف کے تحت تقریباً 20 کروڑ ڈالر اپریل کے آخر تک موصول ہونے کی راہ ہموار ہو سکتی ہے۔