معاشی اشاریے بہتری کی جانب گامزن ہیں، آئی ایم ایف مشن سے ملاقات میں پاکستان کی یقین دہانی

پاکستان اورآئی ایم ایف کے درمیان پاکستان کے توسیعی فنڈ سہولت پروگرام کے تیسرے جائزے کا آغازہوگیا۔ وزیر خزانہ محمد اورنگزیب نے اسلام آبادمیں  معاشی ٹیم کے ہمراہ آئی ایم ایف جائزہ مشن سے ملاقات کی ۔ بات چیت میں  آئی ایم ایف مشن کی قیادت مس ایوا پیٹرووا نے۔ اس موقع پر بریفنگ دیتے ہوئے آئی ایم ایف وفد کو بتایاگیاکہ معاشی اشاریے بتدریج بہتری کی جانب گامزن ہیں۔

ملاقات کے بعد جاری اعلامیے میں بتایاگیاہے وزیرخزانہ نے معاشی استحکام برقرار رکھنے کے عزم کا اعادہ کیا اور بتایاکہ ٹیکس اور توانائی شعبے میں اصلاحات حکومتی ایجنڈے کا مرکز  ہیں۔ ٹیکس پالیسی آفس کو مکمل فعال بنانے کیلئے اقدامات کئے گئے۔ ٹیکس نظام میں جامع تبدیلیوں پر کام جاری ہے۔۔

اعلامیےکے مطابق وزیرخزانہ نے مزیدکہاکہ مشکل اصلاحات کے باعث میکرو اکنامک استحکام حاصل ہوا اور سرمایہ کاروں کے اعتماد میں اضافہ دیکھنے میں آیا۔ وفاقی حکومت کے اخراجات میں کمی کیلئے رائٹ سائزنگ جاری ہے۔

ملاقات میں وزیر خزانہ نے نجکاری اور سرکاری اداروں کی اصلاحات جاری رکھنے کے عزم کا اظہارکیا۔ اعلامیے کے مطابق آئی ایم ایف مشن سے آئندہ مذاکرات ورچوئل ہوں گے۔