پاکستان کے انسانی خلائی پروگرام میں اہم سنگِ میل،دو پاکستانی خلاباز امیدوار چین میں تربیت کے لیے منتخب

کراچی / اسلام آباد: پاکستان کے انسانی خلائی پروگرام میں ایک اور اہم سنگِ میل عبور کر لیا گیا ہے۔ خلاباز امیدواروں کے انتخاب کے مرحلے کی کامیاب تکمیل کے بعد دو پاکستانی امیدوار چین میں جدید خلابازی کی تربیت کے لیے منتخب کیے گئے ہیں۔

آئی ایس پی آر کے مطابق امیدواروں کی جانچ پڑتال چین کے ایسٹرونوٹس سینٹر میں بین الاقوامی معیار کے مطابق جامع طریقے سے کی گئی۔ منتخب امیدوار چھ ماہ کی اعلیٰ خلابازی تربیت حاصل کریں گے، جس کے دوران جدید خلائی مشنز کی تیاری کی جائے گی۔آئی ایس پی آر نے بتایا کہ ان میں سے ایک خلاباز چینی خلائی اسٹیشن کے مشن کے لیے منتخب کیا جائے گا۔ متوقع خلائی مشن اکتوبر یا نومبر 2026 میں انجام پائے گا۔پاکستان چین کے خلابازی پروگرام کا پہلا غیر ملکی شراکت دار ہے، اور اس تعاون معاہدے کو پاکستان کی خلائی تاریخ میں اہم پیشرفت قرار دیا گیا ہے۔