مشین ریڈایبل پاسپورٹ بند، اب صرف ای پاسپورٹ جاری ہوں گے

وفاقی حکومت نے پاکستان میں مشین ریڈ ایبل پاسپورٹ کا اجرا بند کر کے مکمل طور پر الیکٹرانک پاسپورٹ (ای پاسپورٹ) کا نظام متعارف کرانے کا حتمی فیصلہ کیا ہے، جس پر ایک ماہ کے اندر عمل درآمد شروع کر دیا جائے گا۔ قومی اسمبلی میں وقفہ سوالات کے دوران وزیر مملکت برائے پارلیمانی امور ڈاکٹر طارق فضل چوہدری نے بتایا کہ وزارت داخلہ کی ہدایت پر ملک بھر کے پاسپورٹ دفاتر اور بیرون ملک پاکستانی سفارتخانوں سے صرف ای پاسپورٹ جاری کیے جائیں گے، تاہم پہلے سے موجود مشین ریڈ ایبل پاسپورٹس اپنی مدتِ معیاد ختم ہونے تک قابل استعمال رہیں گے۔ حکام کا کہنا ہے کہ جدید الیکٹرانک چِپ سے لیس ای پاسپورٹ کا مقصد پاسپورٹ کی جعل سازی کو روکنا اور بین الاقوامی سفر کے لیے عالمی سیکیورٹی و امیگریشن تقاضوں کو پورا کرنا ہے