پاکستان غزہ بورڈ آف پیس میں شرکت کرے گا، وزیر اعظم اور اسحاق ڈار نمائندگی کریں گے، دفتر خارجہ

اسلام آباد: دفتر خارجہ کے ترجمان طاہر اندرابی نے ہفتہ وار میڈیا بریفنگ میں اعلان کیا کہ پاکستان غزہ بورڈ آف پیس کے اجلاس میں خلوص نیت کے ساتھ شرکت کرے گا۔ اجلاس میں وزیر اعظم اور نائب وزیراعظم اسحاق ڈار نمائندگی کریں گے۔

ترجمان کے مطابق پاکستان نے افغانستان، بھارت اور دیگر خطے کے سلامتی مسائل، داعش اور ٹی ٹی پی کی پاکستان مخالف سرگرمیوں، اور بھارت میں مسلمانوں پر حملوں کے واقعات پر بھی تبادلہ خیال کیا ہے۔ پاکستان نے عالمی ثالثی عدالت میں سندھ طاس معاہدے کے تحت بھارت کی شرکت پر بھی زور دیا ہے۔

اس کے علاوہ دفتر خارجہ نے پاکستان اور ازبکستان، قازقستان کے صدور کے حالیہ دوروں اور معاہدوں، تجارتی رسائی، انسداد دہشتگردی اور سائبر کرائم کے تعاون پر بھی روشنی ڈالی۔