جمعہ کو اوسط نرخوں کی بنیاد پر پیٹرولیم مصنوعات کی قیمتوں کا تعین ہوگا: وزیر پیٹرولیم

اسلام آباد: وفاقی حکومت کی جانب سے پیٹرولیم مصنوعات کی قیمتوں میں ممکنہ ردو بدل کا اعلان کل (جمعہ) کیا جائے گا۔ وزیر خزانہ محمد اورنگزیب نے کہا کہ عالمی مارکیٹ میں پیٹرولیم مصنوعات کی قیمتیں مسلسل بڑھ رہی ہیں، جس کا اثر پاکستان کی معیشت پر پڑ رہا ہے۔

وزیر خزانہ نے مزید بتایا کہ آئی ایم ایف نے اپنے پریس ریلیز میں مشرق وسطیٰ میں جاری جنگ کے ممکنہ اثرات پر غور کیا ہے، اور اگر جنگ طویل مدت تک جاری رہی تو بیرونی ادائیگیوں پر دباؤ بڑھے گا اور ترسیلات زر متاثر ہو سکتی ہیں۔

وزیر پٹرولیم علی پرویز ملک نے کہا کہ نئی قیمتوں کا اعلان پیٹرولیم مصنوعات کی اوسط قیمتوں کی بنیاد پر کیا جائے گا اور اس وقت یہ کہنا ممکن نہیں کہ پیٹرول مہنگا ہوگا یا نہیں۔

واضح رہے کہ عالمی مارکیٹ میں تیل کی بڑھتی قیمتوں اور خطے میں کشیدگی کو مدنظر رکھتے ہوئے حکومت نے گزشتہ ہفتے پیٹرول اور ڈیزل کی قیمت میں فی لیٹر 55 روپے اضافہ کیا تھا۔