زرمبادلہ ذخائر میں اضافہ، اسٹیٹ بینک کے مجموعی ذخائر 21 ارب ڈالر تک پہنچ گئے

کراچی: اسٹیٹ بینک آف پاکستان کے زرمبادلہ ذخائر میں 2 کروڑ 10 لاکھ ڈالر کا اضافہ ریکارڈ کیا گیا ہے۔

مرکزی بینک کے مطابق اس اضافے کے بعد اسٹیٹ بینک کے پاس موجود زرمبادلہ ذخائر کی مالیت 16 ارب 17 کروڑ 78 لاکھ ڈالر ہو گئی ہے۔

اسٹیٹ بینک کے جاری کردہ اعداد و شمار کے مطابق کمرشل بینکوں کے زرمبادلہ ذخائر 5 ارب 19 کروڑ 69 لاکھ ڈالر ریکارڈ کیے گئے ہیں۔

اعداد و شمار کے مطابق ملک کے مجموعی زرمبادلہ ذخائر بڑھ کر 21 ارب 37 کروڑ 47 لاکھ ڈالر تک پہنچ گئے ہیں، جو بیرونی ادائیگیوں کے استحکام کے لیے مثبت اشارہ قرار دیا جا رہا ہے۔