LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

دہشت گردی کے خلاف پاکستان کے اقدامات پر بھارت کی تنقید مضحکہ خیز ہے: ترجمان دفتر خارجہ

Web Desk

14 March 2026

ترجمان دفتر خارجہ نے پاکستان کے دہشت گردی کے خلاف اقدامات پر بھارت کی تنقید کو مضحکہ خیز قرار دیتے ہوئے کہا ہے کہ نئی دہلی کے الزامات بے بنیاد اور منافقانہ ہیں۔

دفتر خارجہ کے مطابق پاکستان دہشت گردی کے خاتمے کے لیے سنجیدہ اور مؤثر اقدامات کر رہا ہے، ایسے میں بھارت کی جانب سے تنقید حقیقت کے برعکس اور گمراہ کن ہے۔

ترجمان نے کہا کہ بھارت خود افغانستان میں دہشت گرد گروہوں کی سرپرستی میں ملوث رہا ہے اور اس کی سرگرمیوں کے شواہد مختلف مواقع پر سامنے آ چکے ہیں۔ انہوں نے کہا کہ فتنہ الخوارج اور فتنہ الہندوستان کی بھارتی حمایت سے متعلق حقائق کسی سے پوشیدہ نہیں ہیں۔

ترجمان کے مطابق بھارت کو افغانستان میں اپنے دہشت گرد نیٹ ورک کی تباہی پر مایوسی ہو رہی ہے، اسی لیے وہ بے بنیاد بیانات کے ذریعے توجہ ہٹانے کی کوشش کر رہا ہے۔

دفتر خارجہ نے کہا کہ بھارت انسانی حقوق اور بین الاقوامی قوانین کی مسلسل خلاف ورزی کرنے والا ملک ہے اور مقبوضہ جموں و کشمیر پر اس کا قبضہ غیر قانونی ہے۔

ترجمان نے مزید کہا کہ مقبوضہ کشمیر میں بھارتی فورسز ریاستی دہشت گردی میں ملوث ہیں جبکہ ہندوتوا انتہاپسند نظریے کے تحت اقلیتوں کو مسلسل نشانہ بنایا جا رہا ہے۔

بیان میں کہا گیا کہ بھارت میں اسلاموفوبیا کو فروغ دیا جا رہا ہے اور نئی دہلی پانی جیسے اہم وسیلے کو بھی سیاسی ہتھیار کے طور پر استعمال کر رہا ہے۔

ترجمان کے مطابق بھارت افغانستان سمیت پورے خطے میں امن کے لیے خطرہ بن چکا ہے۔ انہوں نے واضح کیا کہ پاکستان اپنی خودمختاری اور شہریوں کے تحفظ کے لیے ہر ممکن اقدام کرے گا۔

دفتر خارجہ نے اس عزم کا اعادہ کیا کہ پاکستان کے تمام اقدامات بین الاقوامی قانون اور اقوام متحدہ کے منشور کے مطابق ہوں گے۔