ملک بھر کے ایئرپورٹس سے مشرقِ وسطیٰ کیلئے 116 پروازیں منسوخ

مشرقِ وسطیٰ کی ابتر صورتحال نے پاکستان کا فضائی رابطہ خلیجی ممالک سے منقطع کر دیا ہے۔ ایوی ایشن ذرائع کے مطابق، فضائی حدود کی بندش کے باعث ملک بھر کے مختلف ہوائی اڈوں سے مجموعی طور پر 116 پروازیں منسوخ کر دی گئی ہیں۔ متاثرہ پروازوں میں پی آئی اے، ایمریٹس، اتحاد اور قطر ایئرویز سمیت بڑی ایئرلائنز شامل ہیں۔ سب سے زیادہ 32 پروازیں کراچی سے منسوخ ہوئیں، جبکہ اسلام آباد سے 28 اور لاہور سے 20 پروازیں اڑان نہ بھر سکیں۔ حکام نے مسافروں کو ایئرپورٹ آنے سے قبل فلائٹ شیڈول چیک کرنے کی سخت ہدایت کی ہے۔