بھارتی پروازوں کیلئے پاکستانی فضائی حدود کی بندش میں مزید توسیع کا نوٹم جاری

پاکستان ایئرپورٹ اتھارٹی (PAA) نے بھارتی پروازوں کے لیے پاکستانی فضائی حدود کی بندش میں مزید توسیع کرتے ہوئے نیا باضابطہ نوٹم (NOTAM) جاری کر دیا ہے۔

ترجمان پاکستان ایئرپورٹ اتھارٹی کے مطابق جاری کردہ نئے نوٹم کے تحت بھارتی ایئرلائنز اور پروازوں کے لیے پاکستانی فضائی حدود پر عائد پابندی کو 27 نومبر 2026ء کی صبح 5 بجے تک کے لیے برقرار رکھنے کا فیصلہ کیا گیا ہے۔

پی اے اے کی جانب سے واضح کیا گیا ہے کہ اس فیصلے کے تحت بھارتی پروازیں مقررہ تاریخ اور وقت تک پاکستان کے ایئر اسپیس کا استعمال نہیں کر سکیں گی، جس کے باعث بھارتی ایئرلائنز کو بین الاقوامی اور خطے کی دیگر پروازوں کے لیے طویل متبادل روٹس استعمال کرنا پڑیں گے۔