شاہینوں کی شاندار کارکردگی، دوسرے ون ڈے میں بنگلہ دیش کو128رنز سے شکست

شاہینوں نے شاندار کم بیک کرتے ہوئے دوسرے ون ڈے میں بنگلہ دیش کو ڈک ورتھ لوئیس میتھڈ کے تحت 128سے دھول چٹادی۔ قومی ٹیم نے پہلے بیٹنگ  کرتے ہوئے 274رنز اسکور کیے،  بارش کے سبب بنگلا دیش کو 32 اوورز میں 243رنز کا ہدف ملا تھا۔تاہم میزبان ٹیم 114رنزپرپویلین لوٹ گئی۔

اس سے پہلے پاکستانی ٹیم پہلے بیٹنگ کرتے ہوئے اننگز کے 48 ویں اوور میں 274 رنز بناکر آؤٹ ہوگئی۔ نوجوان معاذ صداقت نے شاندار بیٹنگ کرتے ہوئے 46 گیندوں پر 75رنز بنائے، اُن کی اننگز میں 6 چوکے اور 5 چھکے شامل تھے۔ سلمان علی آغا نے 7 چوکوں اور 2 چھکوں کی مدد سے 64 ر نز کی اننگز کھیلی، محمد رضوان 44 رنز بناکر آؤٹ ہوئے، اوپنر صاحبزادہ فرحان نے 31 اور فہیم اشرف نے 14 رنز اسکور کیے۔

بنگلادیش کے  ارشاد حسین نے 3 اور مہدی حسن میراز نے 2 کھلاڑیوں کو آؤٹ کیا۔بارش کی وجہ سے میچ متاثر ہوا جس کے بعد  تاہم بنگلا دیش کو 32 اوورز میں 243رنز کا ہدف ملا۔رنز کے ہدف کے تعاقب میں بنگلادیش کی ٹیم 24ویں اوور میں 114 رنز بناکر پویلین لوٹ گئی۔

بنگلادیش کی جانب سے لٹن ڈاس 41 رنز بناکرنمایاں رہے۔ اس کےعلاوہ توحید نے 28 اور سیف حسن نے 12 رنز بنائے۔پاکستان کی طرف سے معاذ صداقت اور حارث رؤف نے 3،3 وکٹیں حاصل کیں۔شاہین آفریدی نے 2 کھلاڑیوں کو آؤٹ کیا۔ تین میچز کی سیریزایک ایک سے برابر۔۔تیسرا اور آخری معرکہ اتوارکو ڈھاکامیں ہی ہوگا۔