یومِ پاکستان پریڈ منسوخ، صدر مملکت نے سمری کی منظوری دے دی

اسلام آباد: ایوانِ صدر کے میڈیا وِنگ کے مطابق صدر مملکت نے یومِ پاکستان 23 مارچ 2026 کی مرکزی پریڈ اور اس سے متعلقہ تمام تقریبات نہ کرنے کی سمری کی منظوری دے دی ہے۔

اعلامیے میں کہا گیا ہے کہ یہ فیصلہ جاری خلیجی تیل بحران اور حکومت کی جانب سے اختیار کیے گئے کفایت شعاری اقدامات کے پیش نظر وزیر اعظم کی ایڈوائس پر کیا گیا۔

صدر مملکت کا کہنا ہے کہ قومی وسائل کا محتاط اور ذمہ دارانہ استعمال ہر شہری کی مشترکہ ذمہ داری ہے، موجودہ حالات میں سادگی اور بچت کو ترجیح دینا ناگزیر ہے۔

یومِ پاکستان کے موقع پر دیے جانے والے اعزازات کی تقریب اب 28 اپریل 2026 کو منعقد کی جائے گی۔