جنوری 2026 میں کرنٹ اکاؤنٹ 12 کروڑ 10 لاکھ ڈالر سرپلس ریکارڈ

کراچی: اسٹیٹ بینک آف پاکستان کے مطابق جنوری 2026ء میں ملک کا کرنٹ اکاؤنٹ 12 کروڑ 10 لاکھ ڈالر سرپلس رہا۔

مرکزی بینک کے اعداد و شمار کے مطابق دسمبر 2025ء میں کرنٹ اکاؤنٹ 26 کروڑ 50 لاکھ ڈالر خسارے میں تھا، تاہم جنوری میں صورتحال میں بہتری دیکھنے میں آئی۔اسٹیٹ بینک کے مطابق مالی سال 2026ء کے ابتدائی سات ماہ کے دوران مجموعی طور پر کرنٹ اکاؤنٹ 1 ارب 7 کروڑ 40 لاکھ ڈالر خسارے میں ہے۔گزشتہ مالی سال 2025ء کے پہلے سات ماہ کے دوران کرنٹ اکاؤنٹ 56 کروڑ 40 لاکھ ڈالر سرپلس ریکارڈ کیا گیا تھا۔ماہرین کے مطابق جنوری میں سرپلس آنا بیرونی کھاتوں میں عارضی بہتری کی نشاندہی کرتا ہے، تاہم مجموعی مالی سال کے اعداد و شمار اب بھی دباؤ کی عکاسی کر رہے ہیں۔