پاکستان کا ایتھوپیا میں شدید بارشوں اور لینڈ سلائیڈنگ سے ہلاکتوں پر اظہار افسوس

پاکستان نے ایتھوپیا میں حالیہ شدید بارشوں اور زمین کھسکنے کے نتیجے میں ہونے والی ہلاکتوں پر وہاں کی حکومت اور عوام سے گہری ہمدردی اور تعزیت کا اظہار کیا ہے۔ دفتر خارجہ کی جانب سے جاری بیان میں متاثرہ خاندانوں کے لیے دعاؤں کا اظہار کرتے ہوئے ایتھوپیا کی حکومت کی امدادی سرگرمیوں کو سراہا گیا ہے۔ پاکستان نے اس مشکل گھڑی میں ہر ممکن تعاون فراہم کرنے کا اعادہ بھی کیا ہے۔

واضح رہے کہ ایتھوپیا میں بارشوں کے بعد لینڈ سلائیڈنگ کے مختلف واقعات میں کم از کم 80 افراد جان کی بازی ہار چکے ہیں۔ ایتھوپیا ہیومن رائٹس کمیشن کی رپورٹ کے مطابق اس قدرتی آفت کے نتیجے میں 3 ہزار 461 سے زائد افراد بے گھر ہو چکے ہیں، جن کی بحالی کے لیے امدادی کارروائیاں جاری ہیں۔