مقبوضہ مغربی کنارے میں اسرائیلی اقدامات کی مذمت، پاکستان کا سخت ردعمل

اسلام آباد: پاکستان نے مقبوضہ مغربی کنارے میں اسرائیل کی جانب سے کیے جانے والے تازہ اقدامات کو سختی سے مسترد کرتے ہوئے ان کی شدید مذمت کی ہے۔

ترجمان دفتر خارجہ کے مطابق اسرائیل کی جانب سے بین الاقوامی قوانین کو مسلسل نظرانداز کرنا اور اشتعال انگیز اقدامات خطے میں منصفانہ، جامع اور دیرپا امن کے امکانات کو کمزور کر رہے ہیں۔بیان میں کہا گیا کہ اس طرح کے اقدامات بین الاقوامی قوانین کے ساتھ ساتھ اقوام متحدہ کی سلامتی کونسل اور اقوام متحدہ کی جنرل اسمبلی کی متعلقہ قراردادوں کی صریح خلاف ورزی ہیں۔پاکستان نے عالمی برادری سے مطالبہ کیا کہ وہ اسرائیلی استثنیٰ کے خاتمے کے لیے ٹھوس اقدامات کرے اور بین الاقوامی قوانین کے احترام کو یقینی بنائے۔